劉少君康復出院：可以正常出街

確診新冠肺炎的藝人劉少君昨日出院，入住尖沙咀一間酒店休養，他拍片報平安：「依家喺酒店休養吓先，大致上慢慢回復精神，今次真係好多謝我哋香港醫護界所有醫護人員，咁細心照顧所有病人，我真係非常敬佩、欽佩佢哋。我今次結果出嚟已經有抗體，少咗病毒入侵，相當安慰！亦有一個Copy證明全身冇事，希望大家有個衞生環境。」對於好友麥德羅指康復有如中六合彩，劉少君說：「希望佢真係中番個六合彩二獎囉！不過佢身體咁健康，應該好快，預祝佢成功。」並透露現時可正常出街，之後要返醫院覆診，驗血及照X光等。