李芷晴直播蝦碌最叻扮淡定
有「六合彩女神」之稱的李芷晴（Stephanie），去年獲安排主持《六合彩》節目，雖然現節目因疫情而暫停，仍無損粉絲對她的愛戴，不時在網上留言為她打氣！
主持節目淡淡定的Stephanie，原來起初也很緊張，她笑說：「開頭真係好緊張，正式做之前訓練咗三個月，要學習控制時間，同埋遇到突發事時要保持鎮定，我試過訓練期間唔記得稿，會講咗自己嘅口頭禪『吖，哎呦！』，工作人員會提我咁樣唔得，因為觀眾就會知道錯咗，慢慢練習之後，就鎮定咗好多。」
談到正式做主持時有甚麼蝦碌事？Stephanie說：「記得有次做直播，部機停咗十秒冇開到，當時個心雖然會諗『吓，點算』，但表面就好淡定，保持微笑，之後大家都讚我叻，呢啲鼓勵都畀咗我好多信心。」
感情事隨緣
現正單身的她，被問到擇偶條件，Stephanie笑言：「冇話一定要點樣，我覺得最緊要係錫自己，同埋要夾。（有冇諗過幾多歲前結婚？）細個會想三十歲前，依家大咗，覺得一切隨緣。」
除了做主持，Stephanie亦曾演出無綫劇《逆天奇案》，跟陳展鵬、林夏薇兩位前輩合作，令她獲益不少：「記得我拍嗰場戲，要行一條直路係咁sell陳展鵬同林夏薇幫我買婚紗，要記好長嘅對白同記住走位，佢哋好好，會好幫我，陳展鵬仲特別加咗一啲反應，令到拍嘅時候我冇咁緊張。」
Profile
年齡：27歲
三圍：34、23.5、35.5
興趣：中國舞、芭蕾舞、鋼琴、唱歌、國畫