陳庭欣被男友狠撇打包善後

由於新冠肺炎疫情肆虐，政府宣布今日起全面禁止餐廳堂食，不少藝人隨即上載舊相，緬懷「飯敍」的溫馨場面。而Toby昨午3時許，偕同男友楊振源及其兒子，現身商場內一間泰式餐廳，趕及為七日禁堂食期前的「最後午餐」留個紀念。

Toby與男友並排而坐，進食期間亦禁不住拖手放閃。3人原本相當放鬆，不過當發現記者在場，楊振源即與兒子離座，獨剩Toby埋單及等候住在樓上的菲傭拿外賣盒到場幫手打包，臨離去前Toby亦有向記者禮貌打招呼。

食唔晒分兩餐

事後Toby受訪時說：「有時都想出街食吓嘢，但又唔想太多人，咪揀呢個時間囉。（男友驚到走咗？）哎吔，本來仲想叫甜品，搞到我冇得食添。（正餐都打包？）係我哋食唔晒，想環保啲咪拎走囉，可以分兩餐食，依家有時叫外賣都好難，攞走等肚餓時再整熱食。」

Toby坦言「禁堂食」令她相當矛盾：「防疫好緊要，不過我都有啲朋友做食肆，佢哋真係怨聲載道，覺得難以維生，希望疫情快啲過去啦！」