白雲險遭偽粉絲摸胸 郭奕芯被要求送內褲

近日女網紅「搣時潘」聲稱遭男網友性騷擾，將他帶到酒店玩「SM」疑報復，最後遭警方拘捕。事實上，不少女藝人也經常被騷擾。擁35E導彈的白雲，早前因性感形象被指是妓女，慘遭網絡欺凌。

「佢飲到好醉咁」

昨日白雲受訪時透露幾乎遭「偽粉絲」胸襲：「我接受唔到啲有錢男士扮粉絲！有次出席一個有60圍嘅大型活動，佢話係我粉絲，一定要同我影相。散席時，佢飲到好醉咁行埋嚟，當時我同人傾緊偈，擰轉頭就見佢隻手想郁，仲向住我個胸嘅位置，好彩助手快手撥開佢，點知佢仲用粗口鬧我助手係我邊個，助手為咗打圓場就同佢飲酒，之後即刻走人。」

郭奕芯透露除收過男粉絲的下體照，更要求索取其內褲：「收過陌生人嘅訊息，八卦撳入去睇，點知係身體器官，真係極度尷尬，即刻望吓隔籬有冇人望，驚人哋以為我變態。又有人試過叫我畀條底褲佢，點解會有呢啲人o架？」但她最嬲反而是收到病毒網址令電話失靈，比收到色情相更慘！

陳詩欣斥惡心

「宅男女神」陳詩欣試過被男粉絲傳自瀆片到其社交網，她說：「條片係個Fans對住電腦入面我張相喺度『J緊』（自瀆），真係超級惡心，但唔知佢係邊個，冇辦法追究。」男藝人亦同樣面對狂迷騷擾，朱敏瀚試過收女粉絲送上喝過的飲品，幸好及時發現，沒有中招。