傅穎恨遊異域 黃碧蓮LA大解放
全球疫情持續嚴峻，外遊變得遙不可及，但多位藝人已諗定旅遊願望清單，期待疫情過後安全舒適地出遊。當中黃碧蓮希望與3位姊妹飛往美國洛杉磯重遊舊地，實行Girls Trip大解放，她說：「家姐同兩個妹都定居加拿大，所以我哋好少見面，上年暑假第一次四姊妹旅行，好難得有機會日日見面談心。原本計劃今年再一齊去LA，但因為疫情而押後，當地陽光與海灘，可以盡情放鬆！」
譚嘉儀瑞士賞雪
傅穎則想去摩洛哥、地中海旅行：「我上網睇過摩洛哥啲相，覺得好有異域風情，而且我好鍾意中東菜呢啲香料食物。」她笑指有朋友提議同遊希臘、馬爾代夫等蜜月勝地，但她都一一拒絕：「呢啲地方應該同另一半去，所以我一路留住，諗住結婚先去。」
至於譚嘉儀計劃到瑞士展開浪漫之旅：「嗰度啲景好靚，又有雪山，感覺好浪漫，最想一邊浸溫泉一邊睇雪山。（順便去Shopping？）又唔會，都係睇名勝為主。」更揚言期待在當地結交新朋友。
林夏薇法國圓夢
而林夏薇打算去法國：「之前去幾次歐洲，好多時都因為中暑而改變行程，去唔到法國，好可惜！以往我去每個地方都會抽一日去博物館，因為可以學到好多嘢，去法國當然唔可以錯過羅浮宮、巴黎鐵塔，仲有睇紅磨坊嘅歌舞劇。」