馮盈盈醒上車錦囊 6號執平貨益女友
香港寸金尺土，據報告已連續10年成為全球最難「上車」城市之一，港人不吃不喝都要20年才買到樓。最近疫情令樓市膠着，後生仔一度蠢蠢欲動，但買樓不同買菜，無綫一班藝人就在新節目《我要做業主》中分享自身經歷。
現年26歲、已是「包租婆」的馮盈盈，去年與舊愛鍾文浩分擔首期的何文田2,000萬豪宅單位已放租，她以觀望態度期待「疫」市中現曙光，計劃賺錢買樓給家人住，受訪時分享上車心得：「年輕人買樓最好做多啲功課，搵定律師了解買賣合約，搵定銀行做樓按，同埋準備好需要嘅文件，否則睇到心水盤但因為資料或文件不足而上唔到車，咁就嘥心機！」問到再置業是否需要家人幫忙？她說：「自住嘅話偏向自己畀首期，好難靠屋企人幫，除非同住先會問意見。」問到對上車有何要求？她偏愛配套完善的屋苑，因私隱度高：「始終係公眾人物，出入唔易畀人見到，加上工作忙，想少啲聽到人、車聲，靜啲休息都好啲。」
落錯車超後悔
至於陸浩明（6號）因「落錯車」而深感後悔，他受訪時說：「13年喺深井有個600呎單位，後來因為入咗無綫工作，覺得返工好遠就賣咗，當時賺咗6位數字，幾開心(o架)，但之後樓價不斷升，所以一直租住單位到依家。」原來他有計劃再上車，買一個單位自住，再買個送給女友收租：「會睇準時機，趁疫市執平貨！」