馬德鐘唔急做爺爺：慢慢嚟！
馬德鐘兒子、現年22歲的馬在驤終於封盤，女友是澳洲大學同學兼游泳健將Marissa，馬德鐘欣賞愛運動的女仔夠自律，笑言不想太快當爺爺，叫兒子慢慢來。
馬在驤在澳洲修讀機械工程，預計明年底畢業，他是游泳健將，兼擁有模特兒身高，向來是矚目星二代。然而他年紀輕輕卻宣布封盤，女友Marissa是來自美國的澳洲同學，兩人同是校內的泳手，可謂水中情緣。
Marissa社交網簡歷報稱是運動員，她經常周遊列國，足迹遍及瑞士、意大利米蘭等，上山下水，性格外向。Marissa去年7月晒與馬在驤在悉尼歌劇院前的合照，之後馬在驤於10月上載與女友十指緊扣照，確認女友身份。不過最近疫情關係，馬在驤一直留港，小情人被迫分隔兩地。
欣賞運動員自律
對於兒子拍拖，馬德鐘昨日稱只見過相片，未見過真人，但已開綠燈，他說：「我知佢係游水運動員。（拍咗幾耐拖？）唔知，冇具體話畀我聽幾時拍，淨係知佢有個朋友。（覺得女仔點？）要尊重番個仔，佢自己交朋友自己選擇，唔方便加意見，不過喜歡運動嘅女仔幾好嘅，應該會比較自律。（想唔想快啲做爺爺，馬神升呢馬爺？）慢慢嚟！哈哈！做耐啲神先！啱啱先交朋友，慢慢認識吓先，唔使咁快諗咁遠。佢自己開心囉，正常交往，唔會刻意去理或管，唔會畀意見，等佢慢慢經歷佢人生。」