吳若希睇清老公真面目
正安心養胎的歌手吳若希，日前在電台節目中分享夫妻之道。結婚3年，她笑指不像其他夫妻般相敬如賓：「我哋說話可以話係冇底線，我唔能夠接受謊言，寧願知道醜陋嘅事實，都唔想被瞞騙，先生明白我嘅個性後都慢慢改變，令我睇到佢最真實嘅一面！依家我哋學識互相忍讓同遷就，就算講咗啲再難聽嘅說話，過咗一日都唔會再介意，因為我哋知道大家嘅相處有愛喺度。」
女兒淼淼的英文名Giselle來自吳若希喜歡的電影《魔法奇緣》，她希望女兒像女主角般勇敢：「個女依家3歲，我覺得佢真係似電影裏面嘅Giselle咁有愛心同勇敢，相信佢會係細心嘅家姐，佢仲話將來會幫忙餵奶，我真係好感動！」她亦盼望腹中B仔長大後，能有愛心及真誠待人。