唔係得把聲！學定手語挑戰演啞女
江嘉敏近年人氣急升，演技開始備受肯定，更成功躋身「公主」系列，參演劇集《七公主》，成為力捧小花之一，她聞言謙稱︰「全套劇都有好多公主嘅，喺呢個時候都有嘢做梗係開心，啲角色嘅難度仲愈嚟愈高，但全部都好有挑戰性，多謝公司一直畀機會我。」
曾飾演盲人及聾人角色的她，笑言之後想挑戰演啞角，還自爆已為角色做定準備︰「我畀人最印象深刻係把聲，所以太多人想我做啞，哈哈！但我又真係純粹為興趣、貪玩，去咗學初級手語，之後有時間都會繼續學落去，學定再等監製發掘我，希望有用得着嘅時候，就好似跆拳道咁，喺《食腦喪B》就有用到，有個場口預我三個鐘拍踢腳，我踢咗一個鐘就收工，連武指都讚我踢得幾好，有啲底係好啲，可以慳番啲時間。」