劉香萍向酒家發律師信要求道歉

劉香萍向本報透露，於本月十九日已向該酒家發出律師信，要求公開道歉。她說：「之前我要佢喺三個半星期內出一封公開道歉信，但佢都冇做到，佢之前喺公開平台寫咗好多唔應該嘅資訊同私隱，影響我聲譽。今次我出律師信畀佢，要求佢喺七日內公開道歉，否則入稟告佢。」至於該酒家的公關發言人回覆，表示昨日已收到信件，與身在瑞士的老闆鍾太商討後再作交代。