余曉彤被鯊魚撞頭 見暈！

余曉彤致力推廣潛水，希望大眾多了解海洋世界。

摸清鱷魚脾性

最令她膽怯的是與鱷魚影相，她說：「嗰次真心驚，因為未接觸過，同埋好多新聞話佢哋會食人。當地人教我哋試吓鱷魚嘅脾性，之後先落去拍攝，條鱷魚喺我旁邊，我唔敢喺佢個頭隔籬，而係喺佢個頭後少少游，心諗就算擰過嚟都咬唔到我。經過嗰次之後，發覺『鱷魚頭老襯底』係真嘅，佢哋唔係咁冷血。」

問到可曾「遇險」，Hidy說：「有次真係好驚險，攞住自拍喺海底影魚同珊瑚，當時我徒手潛水，影幾下就上水面吸幾啖氣再落去，點知影得太興奮，個頭掉轉咗咁拍，啲頭髮畀珊瑚纏住，第一次有死亡嘅感覺！當時冇人睇到我，佢哋全部喺水面，我不停Chok，連埋珊瑚一齊Chok上嚟，黐咗喺頭髮度，好彩執番條命！」Hidy現於香港開潛水學校，她說：「我想將潛水文化普及，令更多人了解海洋。」

與鯊魚同游的余曉彤，被撞親亦唔會驚！

余曉彤與鱷魚保持距離，以免被咬。