蔡嘉欣處女下海 速減7磅操靚副偈
無綫小花蔡嘉欣拍新劇前，勁減7磅，務求以最佳狀態上陣！她更發揮廿四孝女友本色，無懼疫情孖男友到戶外拍唯美照，又大爆近年被誤會另結新歡，因男友落力「走脂」20磅，恍如另一個人。
備受力捧的無綫小花蔡嘉欣工作浪接浪，劇集和綜藝兩邊走，除了忙於主持節目《姊妹淘》外，更將於下星期入劇組拍新劇《飛虎3》。身為廿四孝女友的她，開工前不忘冧男友，早前無懼天時暑熱及疫情，孖男友到戶外影靚相，並大爆男友為了與她更合襯而積極減肥：「自從上年我參選港姐，佢被我刺激到好落力去做Gym，前後總共瘦咗20磅。有網民仲誇張到完全唔認得佢，以為我換咗男朋友！」
與黃宗澤拍對手戲好興奮
首次拍劇的蔡嘉欣，心情難免緊張，為以最佳狀態上陣，靠節食及玩空中絲帶舞收身，一個月內減了7磅，她說：「我喺《姊妹淘》一直好似個Baby喺溫室入面咁被呵護，所以都擔心拍劇時，因為自己會NG而製造麻煩影響拍攝。雖然對白唔算好多，但都會好畀心機讀熟劇本，唔想到時拖慢進度。」
對於即將與黃宗澤、陳瀅拍對手戲，她感到十分興奮：「平時喺電視上睇劇就睇得多，終於有機會同佢哋一齊拍劇，當然好開心，同埋佢哋係我嘅學習對象。」