吳綺莉相隔30年重新習舞
藝人吳綺莉（Elaine）有份參演ViuTV新劇《太平紋身店》，劇中一人分飾兩角，演一對孖生姊妹，「姐姐」更患有妄想症，相當考演技。她透露「姐姐」一角與陸駿光有一條含蓄的愛情線，談情戲只在夢境發生。導演為了意境浪漫，特別設計一場跳探戈的場面。
「當考試咁考」
為了最完美演出，二人日前特別上一堂舞蹈課，Elaine大讚劇組安排認真，並透露自小學芭蕾舞，但至今約30年沒再接觸，她笑言再執舞鞋感覺特別：「真係當考試咁考」。
多年來沒跳舞的她，只曾在無綫台慶表演，她說：「以前台慶有練過，但係一大班人跳，主角係秋官（鄭少秋），我哋班女仔喺側邊伴舞咋！（跳過芭蕾舞？）12、3歲嗰時有，但放低好耐啦，以前練習搞到腳趾瘀晒(口架)！（有冇跳過Tango？）冇，但呢個劇好夢幻，劇中陸駿光追我，但現實中冇行動，導演就安排我哋喺夢中共舞，好浪漫囉。」
有運動天分
她坦言跳舞並非強項：「反而運動我有天分，讀書時有游水，仲係香港公開賽泳隊，成日代表學校出賽，我最近都有去沙灘游水，可以游出防鯊網(口架)。」