Odilia陰氣重 唔受老外溝
有「絲襪女神」稱號的歌手Odilia（陳康琪）雖沒有爆乳身材，但其豐臀及42吋長腿同樣煞食。日前她獨自到沙灘享受日光浴，被外籍猛男(目及)中，以請飲汽水為名，溝女為實，不過自認陰氣重的她請「西方客」食檸檬！
女子組合Bingo成員Odilia曾裝巨胸化身「大波Odi」成功吸睛後，再在社交網試穿性感絲襪，被網民封為女神。日前她社交網上載於沙灘拍下的性感泳照，雖然冇「裝胸作勢」，但其美臀及42吋長腿依然有睇頭。昨日她受訪時坦言近日疫情嚴峻，相信之後很少機會再到沙灘，故上載靚相自High：「嗰日我一條友去，自己Set機影相咋。」
被問攞電話
靚女單獨在沙灘曬太陽，自然惹來男士「博溝」的遐想！她笑言當日掛住自拍，突然有外籍猛男上前搭訕：「佢話請我飲汽水喎，不過我唔飲汽水，佢又話想同我朋友，問我攞電話。有師傅提我要多啲曬太陽，先可以驅走身上陰氣，所以面對『西方朋友』，我一律Say No。」
損失6位數
第三波疫情入侵娛圈，Odilia無奈表示工作及收入大受影響，損失高達6位數字：「之前有疫情，我教嗰啲跳舞班已經要延期，惟有喺網上開視像堂，為咗大家健康，啲班暫停都啱嘅，不過好掛住啲學生。」又指其網絡電影工作亦要停拍，幸好為ViuTV拍的靈異節目早前已拍畢。