吳千語首開真槍 被導演考起

女星吳千語有份參演的網劇最近播出，還在劇中首次開真槍，令她大感新鮮但同時又氣餒：「導演要求開槍時要冇表情，但因為有後座力，每次開槍都好難控制，特別係眨眼。」她跟關智斌有感情線，指兩人因合作而成為好友：「我哋久唔久就有聚會，加上我哋興趣相近，大家都鍾意影相、滑水同戶外活動，所以好投契，最近仲合作拍咗一個廣告。」談到工作近況，千語透露早前已在內地完成隔離檢疫，正身處漳州拍攝劇集，坦言會做好防疫措施，特別加強消毒及勤洗手。