Call白車入院 劉少君確診
藝人劉少君與確診好友麥德羅為緊密接觸者，自覺很大機會「中招」，故求助衞生署安排白車，但苦候逾36小時仍未送院，昨日再Call白車到伊利沙伯醫院，晚上他透露已確診：「依家都係冇發燒，只係有少少頭暈同少少呼吸問題，其餘身體狀況正常，正等待安排送上隔離病房。（擔心？）平常心。」
至於麥德羅昨日受訪時聲音沙啞、語調急速，他說：「仲有發燒，成身發冷發熱咁，我血壓高到180，所以要食減壓丸。（劉少君話你個肺花咗？）係，依家講嘢左肺會痛，尋日呼吸好困難，開始打第一支針，要隔日打，打咗好似好啲，咳少咗，但全身乏力，瞓極都唔夠，好暈。」同樣確診的女友劉麗萍（Apple）自言沒有病徵，但病毒指數時升時跌，要繼續留院。此外，有讀者爆料指她上周與弟弟在大埔舉行家庭聚會，但其弟一家未有檢測，有「播毒」之嫌，Apple對此說：「我好耐冇見細佬，希望啲人唔好唯恐天下不亂。」