雷有輝開騷　叫舊愛捧場

太極樂隊主音雷有輝（Patrick）將於8月中舉行兩場首個個人大型演唱會，獲隊友鄧建明（Joey Tang）擔任音樂總監，惟最近疫情反彈，希望屆時能順利舉行。Patrick表示本想請很多嘉賓：「但又覺得我咁多年先有一次自己嘅演出，所以死霸爛霸都要霸住個台！不過好多朋友都話嚟睇騷。（請舊愛李麗珍嚟睇？）可以呀，帶埋囡囡嚟。（仲有聯絡？）好耐冇啦，開騷都係好機會同朋友敍舊。」屆時其太太與兒子會來捧場，兒子更會幫手跟頭跟尾。問到可叫得郁哥哥雷有曜返港一同演出？他笑說：「我一個唔夠力，就算太極叫佢都唔夠力，要所有觀眾朋友大大力叫佢返嚟先得。」至於可會叫近日復出的許志安睇騷？他笑言要試吓。