陳欣妍電召印男 轉頭剝剩Bra Top

陳欣妍背男友與印籍男子密會，原來對方是新片的導演。

陳欣妍（Shirley）早前以「Double S」組合打響名堂，工作愈接愈有。近日忙於拍攝ViuTV節目《辣伙頭》的她，日前竟被發現忙裏偷閒，撇低男友沈震軒與一名印籍男子密會！兩人全程雞啄唔斷，氣氛愉快。當天下午，Shirley以一身粉色打扮現身尖沙咀街頭，戴上口罩的她於重慶大廈外駐足，不時按電話似在傳訊息。未幾，一名印籍男子由大廈走出來相迎，兩人隨後結伴走入大堂，該男子邊行邊指指點點，她則不時點頭回應，間中取出消毒用品搓手。

跑步罩不離口

約半小時後，兩人分道揚鑣，Shirley徒步往海旁練跑，換裝後即加入「跑友群」齊齊做運動。以一身Bra Top、貼身褲打扮的她無懼酷熱天氣，落力跑步、拉筋及壓腿，大部分時間都口罩不離面，只間中「脫罩」喝水，顯得相當謹慎，直到黃昏左右才收拾細軟離開。

變裝後的陳欣妍以Bra Top在海旁跑步。	跑到攰才脫罩飲水回氣。	陳欣妍主演港印合作電影，曾穿民族服拍海報。

事後，記者致電Shirley，她聞言解釋：「嗰個印籍男子其實係我嚟緊拍新戲嘅導演！套戲本來3月開拍，因疫情押後到依家，印度外景應該去唔到喇。戲入面我要接觸印度文化同跳肚皮舞，佢咪帶我去重慶大廈了解吓囉！（依家疫情咁嚴重，擔心開拍再受影響？）印度嘅Crew已經到咗香港隔離，本來月尾就開記者會，依家我都等通知。」