莊思敏開工唔驚得咁多
藝人楊明和女友莊思明、莊思敏及曹永廉前晚於茶餐廳拍電影，楊明稱恨和思明在戲中演情侶：「今次我哋唔係演一對，但想思明扮我女友，因為戲入面嘅女友通常好溫柔體貼，佢呢方面未試過，哈哈。（咁講唔怕跪玻璃？）佢好大量(o架)！我成日畀啲燉豬肺湯畀佢補氣。」思明即反擊：「屋企有榴槤呀！（你平時唔溫柔體貼？）睇吓人哋點對我啦！」兩人大耍花槍，搞到思敏沒好氣說：「佢哋兩個成日都係咁，如果佢哋對對方有禮貌反而唔慣。」
講到疫情殺入無綫引起大恐慌，問繼續開工可有擔心？思敏覺得不能擔心太多，惟有不適時即請假，免影響他人。問楊明可會較鬆懈？他說：「男人都好緊張，我平時好少洗手，但疫情期間都keep住噴多啲消毒劑，最緊要大家唔舒服就自我隔離先。」又稱星期二要做《迷網》宣傳，未知公司有何最新安排。
