馬浚偉舞台劇 睇定啲先開騷
本港新冠肺炎疫情爆發第3波，情況暫時未能控制，而將於9月與黎瑞恩演出舞台劇《男人40 CEO》的馬浚偉，坦言雖然有兩手準備，但暫時無意取消或押後演出日期：「我哋依家賣飛都只可以賣一半，但反應唔錯，我就想等到8月中，睇吓情況點先再決定。嚟緊我哋都會改為網上綵排同開會，盡量減少接觸，最緊要大家身體健康。」
他又透露眼見疫情嚴重，於前晚開live唱歌為港人打氣：「估唔到大家咁支持，起碼有過千人收睇，希望疫情快啲過去，港人回復正常生活。」另外，台灣型男柯震東主演的新戲《打噴嚏》，因本港戲院關閉而押後上映，他拍片為港人打氣，呼籲大家「防疫第一」。