馮盈盈扮咳「勸」人戴口罩
政府近日實施硬性規定全民於公共交通工具戴口罩，違例者將被罰款，惟仍有不少人懶理！前港姐冠軍馮盈盈直言作為公眾人物，若然見到有市民冇戴口罩，很難當面跟對方理論：「驚講完之後，人哋會嬲上網話我，最後就會好難解釋。所以遇到呢啲情況，我會喺佢隔籬扮咳，盡量令佢感覺有危險。依家好多隱形帶菌者，希望咁樣對方會提高警覺，戴番個口罩。」
洪永城被怒睥
至於洪永城透露日前搭(車立)期間，見市民冇戴口罩，還被對方怒睥：「幾日前搭(車立)見到有位男士冇戴口罩，問佢係咪唔記得帶，點知佢潤我：『咁叻，下次帶一個畀我啦！』我冷笑咗一吓，佢即刻有少少眼神怒睥我，跟住架(車立)開門佢就出咗去，下次遇到呢啲情況都會畀個口罩對方。」
已為人父的羅仲謙表示出街會帶多幾個口罩，預備給有需要的人。而曹永廉坦言會先勸對方，若然屢勸不聽便報警求助：「知近日有人亮刀，真係好奇怪！無謂同佢有咩衝突，惟有喺佢面前打噴嚏同咳，跟住畀個口罩佢。」