武打演員梁家仁昨日處男下海，首次參與直播活動，他抵死自稱是小學生，事前有充足準備，若然試過好玩會Take Two！他指自疫情爆發後都少出街，甚至不跨區，但講到住香港區的他「破戒」光臨新界區，他笑言是車出車入：「可以一個星期唔出街，好Enjoy過簡單生活。」他還自爆堅持每日打籃球，惟因疫情變嚴峻要再封場：「好唔滿意呀！好手痕，其實每朝6點落去打波嘅人都好守規矩，空曠、人又唔多，唔會受感染，仲會同啲後生搓波，當係遊戲，唔入波都笑住打。」
