Heidi開工「暈晒大浪」！
女子組合Super Girls成員李靜儀（Heidi）與近期上位女神「Double S」之一的陳欣妍有份參與本港製作的網劇，兩人在劇中不時「大派福利」，以多個熱褲騷長腿造型上陣，令網民大飽眼福。
相隔6年再拍劇的Heidi自爆差點被一場戲考起：「其中一場戲要喺船上拍攝，我第一次上船拍戲，原來喺船上開工真係會暈暈哋，有啲暈船浪，而且拍攝當日天氣好差，經常落大雨，好在最尾都能夠順利完成！」為演好角色，她找戲劇導師上堂，笑言對演戲上癮。而陳欣妍稱對今次拍攝也很難忘：「當中一場戲去警局盤問室拍攝，細個睇戲就見得多，真正入內並參觀都係第一次。」