唐麗球咀莫少聰被唱條脷好勁
藝人唐麗球（波波）日前現身香港開電視節目《開工大吉77》，接受好友苑瓊丹訪問。波波回想當年與莫少聰拍接吻戲，但烏龍百出成為佳話：「依家講番都唔好意思，當年第一次拍接吻戲，唔識點樣做咪真係錫囉，事後阿聰周圍同人講，波波條脷好勁，將尋晚條菜都挑埋出嚟，從此都冇人搵我再拍呢類鏡頭啦！」
她又講到當年赴台拍劇全因舊公司拒加人工：「當年開份約畀我，簽五年，六千蚊一個月，我求佢話加多五百蚊畀我啦，佢哋都唔肯，咁我咪走去台灣囉！」她笑言當時人生路不熟，連台幣都沒有兌換就出發：「第一日唔使拍嘢，點知等等吓肚餓，但周圍都唔收港幣，最終等劇組收工返嚟接濟我。」