關智斌爆肌寫真集甫士「惡」擺
靚仔兼一身肌肉的關智斌相隔14年再推出寫真集，為求達到最佳狀態，事前狂操肌！當中他要拍攝「弓道」的姿勢，大呻甫士不易擺，幸好出來效果很滿意！
39歲的關智斌（Kenny）相隔14年，將於8月再推出寫真集，他表示去年演唱會唱了多首《尋找美惠》專輯的歌曲，得到很多回響，故萌生「尋回美惠」的念頭：「我喺06、07年嘅時候，出咗一隻專輯連寫真集《尋找美惠》，今次《尋蝶戀花》寫真集有少少延續上次，事過境遷咁多年後，究竟我喺呢個尋找過程入面有乜嘢得着呢？」
走勻日本9個景點
寫真集在日本取景，在短短6天的拍攝過程中，走遍東京、伊東、大島等九個拍攝地點，相片以菲林拍攝，希望保存時光的真實感。為了這次拍攝，Kenny事前更狂操肌肉，希望呈現更好的體態！
講到拍攝趣事，Kenny表示每天工作後跟一班工作人員食大餐、飲酒就最開心，而在「弓道館」拍攝亦令他非常難忘：「因為當日真係有個老師教我點樣去擺嗰啲姿勢，日本人學嘢真係會用好多時間心機，所以嗰啲姿勢真係唔係一時三刻就可以擺到出嚟。」他笑言拍得幾辛苦：「老師都幾惡，我又要好快投入到個狀態，所以嗰一Part嘅相，應該係最辛苦，不過影出嚟嘅效果真係有『弓道』嘅感覺、再出發嘅感覺，睇番啲相我真係好滿意！」