連詩雅衰「高」傲被杯葛

歌手連詩雅（Shiga）、余香凝、吳業坤及汪明荃等，前晚在電視城錄影《明愛暖萬心》，穿5吋高踭鞋的Shiga高上加高，自爆小時候因身高被同學欺凌：「成日畀人話我高到可以換電燈膽，女同學唔鍾意同我玩，覺得我高傲，其實我為人傻更更、論盡。」講到疫情反覆，她表示又要撲食糧和口罩：「屋企嘅錢同事無大小都係我負責。（有冇搵緋聞男友陳家樂幫手入貨？）自己啦，唔鍾意麻煩人哋，我係獨立女性，買防疫物品有心得。」