挑戰繽FUN主播驚到震 糖妹「得寵」做家傭服侍陳豪
歌手糖妹（黃山怡）應「繽FUN主播室」邀請，接受「星級主播」考驗，雖然糖妹演出經驗豐富，做主播看似只需保持靚樣跟稿讀「Easy Job」，但一樣被考起，其中每當她報道到「東京最大室內微縮景區樂園最近開幕」及「透過3D掃描精製1:80嘅個人微縮模型」兩句時，不是突然「斷片」，就是講得太「甩咳」，連她自己都唔收貨，幸最終「精誠所至，脷筋為開」，完美演繹總共246字的新聞稿。
「處女下海」做主播，糖妹自爆扮冷靜，實則驚到手震：「上台唱歌都未震過呀！」不過她仍覺得做主播好玩，大讚「繽FUN主播室」配套完善：「邊有咁優待到啲同行可以成日用提字機。」
糖妹接受主播Sherman訪問時，否認在無綫因得寵而劇接劇，其中最開心可以參演《陀槍師姐2020》，皆因得以親近心目中的暖男：「我係做陳豪嘅家傭，係有一個特別功能嘅。」