Cheronna半裸肉搏齋黐乳貼

Cheronna

余香凝（Jennifer）與吳嘉熙（Cheronna）首次一起創作新歌《天地分裂》，二人在MV中化身「天使與魔鬼」姊妹，Cheronna更有突破性的情慾演出，與飾演男友的同公司師兄劉志偉由停車場激咀到床上，還挑戰性感尺度，半裸「肉搏」晒玉背！她說：「今次少布啲，拍攝時都有啲尷尬，我哋又有Kiss戲，公司班同事仲興奮過我。有啲鏡頭我只用咗乳貼，好需要志偉用個身幫我遮住，又要男工作人員迴避。」

拍到濕晒

Cheronna自爆「親熱」時出晒汗︰「我有同佢講唔好意思，但佢又同我講唔好意思，因為佢啲鬚拮到我，我反而覺得搞笑。」當日未有在場的Jennifer笑言可惜︰「我睇到同事拍嘅花絮，覺得好正好性感，好有Feel，可惜我錯過咗！」並坦言羨慕︰「我想趁青春拍啲愛情或少少性感嘅戲，如果再出合唱歌，希望我哋可以掉轉！」

Jennifer今次的最大挑戰是與戲中母親的對手戲，要花時間培養情緒：「講媽咪病重，只得我照顧佢，內心好大壓抑。」有幕她為半裸母親抹身，現實中她會為媽咪染髮化妝，她說：「如果媽咪有一日要我咁樣照顧，我都一定會。」

Cheronna突破自己的性感尺度，考膽量亦考演技。	Cheronna與師兄激咀一輪後入「戲肉」，在床上半裸肉搏！	余香凝內心戲較多，要花時間培養情緒。

歌曲講述人於各自的道路上，總是在對錯是非間一邊掙扎、一邊尋找屬於自己的快樂，二人在性格、唱腔上都一剛一柔，猶如一天一地，正好凸顯歌曲的意思。