黃宗澤提早收舖：捱唔住都要捱

由於新冠肺炎在社區爆發，政府宣布收緊禁聚令及停業令，食肆於傍晚6時至清晨5時不能堂食，只可以外賣，店內只可4人一枱，入座率亦不得超過五成。不少開設餐廳的藝人都掙扎求全，包括黃宗澤、麥長青、林夏薇、莊思明及黃美棋等，期望7日後有轉機！

莊思明緊張員工

黃宗澤受訪時坦言：「捱唔住都要捱，依家返一更囉！因為夜晚開唔到，員工都好明白，我哋會提早收工，冇外賣8點幾就收舖，希望快啲過啦！都係7日啫！希望7日之後好啲。」身為多間食肆老闆娘的林夏薇亦表示防疫最緊要：「之前一路都有防疫措施，都係照安排配合，希望疫情快啲過。」而擁有多間燉湯店的莊思明及楊明亦表示會配合：「當然有影響，但第三波爆發實在太嚴重，我都唔敢出街。其實外賣都要好小心，我哋嘅員工一定會戴手套、帽同口罩，送外賣都只係地面交收，唔會送上樓，減少接觸機會之餘，亦保障員工安全。」

黃美棋外賣幫補

至於麥長青剛開舖，主力賣和牛、豚肉等生意，他表示現時做埋燒肉盛合、豚肉、牛肉丼，讓客戶買返家翻熱即可食用：「之後我都會拍片放上網，教大家一啲簡單煮意，非常時期，大家都要小心。」而開設小食店的黃美棋，坦言未能預計生意影響有多大，她說：「惟有希望外賣數量較多，可以拉上補下。」