楊明讚「第一次」快手 陳曉華淚崩驚NG
藝人楊明在新劇《迷網》中與「新歡」陳曉華（Hera）及「舊愛」高海寧（高Ling）合作，他表示與高Ling有默契得毋須言語，Hera則美貌與智慧並重。而首次拍劇的Hera獻出人生首場喊戲，楊明大讚她喊得淋漓盡致！
由楊明、高海寧與陳曉華主演、王偉仁監製的無綫新劇《迷網》，將於今晚八時三十分在翡翠台播出。科技發達看似將人與人的距離縮短，但人際關係卻逐漸疏離，網絡及電話騙案與日俱增，劇中楊明與Hera飾演網絡安全及科技罪案調查科警員，打擊各種科網騙案；另邊廂高Ling卻不自覺墮入網上情緣騙案中！監製希望透過此劇警惕觀眾善用科技的同時，亦要小心跌入虛擬世界陷阱。
極速培養感情
面對舊對手高Ling與新人Hera，楊明坦言與高Ling再合作默契十足：「唔需要講啲乜，大家拍得好舒服，好放心去演。」至於Hera，他笑言港姐果然美貌與智慧並重：「佢開頭有啲緊張，但好快上手，背對白好勁。見識到佢演喊戲好淋漓盡致，之前睇劇本有啲擔心佢，但佢好專業，好快培養到感情，相信觀眾會對佢有好高評價。」
今次是Hera的處女劇，她坦言起初給自己很大壓力：「我以為唔可以NG，但愈唔想就愈係NG，令我更加緊張，怕拖累同事遲收工！不過同事對我好好，會安慰、支持我，拍到後期好放鬆。」最深刻是人生第一場喊戲，她說：「當日由夜晚拍到凌晨5點先拍完呢場喊戲，我又攰又餓，但估唔到自己會咁投入。」她感激監製給予機會，開拍前及拍攝中也會給她意見去改善。
高海寧放低理性
另一女主角高Ling飾演婚禮統籌師，對愛情充滿憧憬，與丈夫黃祥興、舊愛楊明及網友有各種感情轇轕，她坦言最難是要拿捏好角色對三個人的不同感情：「因為我係一個好理性嘅人，但角色係純感性，所以我最初同監製爭拗過，劇中情況係咪有可能發生，監製話現實有類似案例，要我放低自己嘅角度。」