全城抗疫，不少藝人留家化身成「疫境廚神」，鍛煉廚藝。歌手謝文欣（Ally）希望一洗「地獄廚娘」之名，近日拍片挑戰煮All day breakfast，可惜過程中雞手鴨腳，除打爛杯外，又煲燶食物，她說：「我見近期好多人擺上網煮咗好靚嘅嘢食，雖然我有自知之明冇乜天分，但都想嘗試吓。話說一開始煮已經唔小心打爛咗隻杯，煎Pancake又煎到燶晒，個麥皮仲煲到燶晒，最後連條腸仔都未熟！但我真係唔係特登，亦唔係節目效果。」
