陳柏宇呷醋無「妻」身之所

陳柏宇與符曉薇不停互窒，但無損感情。

陳柏宇（Jason）與太太符曉薇、陳奐仁、朱韻韻、鍾浠文、李月等，昨日出席好友倪晨曦投資的瑜伽學校開幕禮。符曉薇爆老公少運動和狂食雪糕，胖了不少：「佢仲有肚腩。」Jason即笑言自己的肌肉與脂肪比例良好：「會繼續Keep Fat。」隨即爆太太想生多個小朋友，符曉薇說：「要等疫情完咗先算，原本想35歲前生多個，但過多幾個月就35歲生日喇！」

倪晨曦唔知胎兒性別

她表示希望本月20日老公生日當天紋身，將女兒的名字紋在手臂上。問到會否紋老公的名字？Jason即酸溜溜說：「我邊有資格成為佢身上一個紋身吖？」問Jason會否紋囡囡的名字在身上？符曉薇反擊：「我哋兩母女邊有咁幸運呀？」

至於上月宣布佗B的倪晨曦透露其瑜伽學校去年12月底開張，但遇上疫情，只好延遲舉行開幕禮。續指疫情下經營很困難：「租金好貴，唔能夠開業期間都有減25%租金。我哋總共8個人投資，都蝕咗5位數字。」提到近日爆發第三波疫情，她說：「一班學生要分時段上堂，變相我哋要處理好多事務。」

兩公婆玩雙人瑜伽，非常合拍。	倪晨曦佗B半年，身形依然纖瘦。	倪晨曦舉行學校開幕禮，多位圈中好友畀面出席。

目前懷孕6個月的她四肢依然纖幼，她透露預產期為10月底：「好幸運頭幾個月冇咩唔舒服，希望到時可以順產。（仔定女？）得醫生知，男定女對我都冇所謂，希望留呢個驚喜到最後，所以依家買中性顏色嘅BB用品。（想生多個？）兩個開心啲，一個有啲孤單。」又稱計劃明年1月補辦婚宴。