莊思敏笑老公求婚甩轆

今年3月升呢人妻的莊思敏，最近為「繽FUN星網」炮製的全新節目「Sakura Group特約」《#娛樂Hashtag》擔任嘉賓，與主持陳振安分享婚前婚後的感受。她重提台灣老公Brian在泰國布吉島求婚的經過，不單驚喜欠奉，仲連環穿煲，非常搞笑！40歲的她已屬高齡產婦，但不抗拒生B，曾經講過不介意雪卵或搵代母的她說：「但我老公好抗拒代母囉！佢覺得一定要自己生，所以有就有，冇就冇。」她覺得領養亦可以：「下一代唔一定係自己佗，你養佢教佢，陪住佢成長，就等於佢父母。其實孤兒院裏面好多小朋友好慘，我覺得領養都係一件好事嚟。」