陳梅馨「棄婚」享受單身

藝人陳梅馨、黎瑞恩與吳浩康等，前晚為無綫節目《流行經典50年》擔任嘉賓，闊別幕前18年的陳梅馨保養得宜，未有走樣。多年來，她的多段情史最令觀眾留下印象，1996年，她與當時男友溫兆倫分手，對方向她追討14萬分手費，還向法庭申請禁制令，禁止她出國讀書，幸之後打甩官司；3年後，她被指介入姜皓文與金慧英的感情，最終黯然離場；4年前則被拍得與同性密友十指緊扣行街。

原以為陳梅馨感情生活愜意，但她卻表示現時單身，很享受單身生活，問是否眼角高？她否認：「想結婚嘅階段已經過咗！」問到為何「出山」拍節目，她透露收到邀請，加上喜歡唱歌，故膽粗粗答應：「我為咗上鏡減咗十幾磅，今次係我第一次喺螢光幕唱歌，所以有啲緊張。我會唱《風雨同路》，早3、4個星期已經開始練歌。」至於可有興趣復出幕前，她坦言：「未有人搵我，如果遇到駕馭到嘅角色都想試吓。（有冇戲癮？）有時睇電視都會諗，如果係我會點演呢！」

黎瑞恩為愛女請假

同場的黎瑞恩則透露，最近忙於綵排馬浚偉自編自導自演的舞台劇《男人40 CEO》：「我日日好似返工咁，有時由夜晚7點排到11點，冇晒朋友，但媽咪同囡囡生日都畀我攞假。」提到近日疫情有反彈迹象，會否擔心影響演出？她說：「馬浚偉有兩手準備，如果9月做唔到就延期一年，一年內做番。」