荷里活日漸「政治正確」！金像影后荷爾芭莉（Halle Berry）宣布計劃飾演由女人變男人的變性人後，因錯講是「女性故事」，引來變性族群炮轟，她急急道歉兼辭演，並表示應由真正的變性演員擔演。
荷爾於社交網站直播接受髮型師Christin Brown訪問，透露將於新片飾演變性人：「我會深深咁進入嗰個世界，呢個女人係一個咩人，令我好有興趣，呢個應該會係我新計劃，我要剪晒啲頭髮。呢個係一個女性故事，好有意義。」不過荷爾錯講變性人為女性，被變性人群起攻之！
變性維權人士Serena Dianari表示：「呢個唔係女性故事，係一個男性故事。同埋點解個生理改變對佢嚟講係重點？順性別人士對變性議題嘅理解真係好無知。」另一變性維權人士Emmy Zje亦表示：「變性男人係男人，唔係女人。變性女人係女人，唔係男人。講錯呢啲對變性人好危險，會令我哋被殺死。」
事後荷爾於社交網站道歉並宣布辭演角色，指應該由變性演員來演變性人：「作為一個順性別女人，依家明白我唔應該演變性人，而變性人族群毫無疑問應該有機會去講佢哋自己個故事。」
其實類似事件之前已發生在《黑寡婦》（The Black Widow）女星史嘉娜祖漢遜（Scarlett Johanson）身上，兩年前她宣布主演變性淫業大亨Dante Gill傳記片《Rub and Tug》，引起變性族群不滿，認為順性別人士沒有資格演變性人，史嘉娜當初「企硬」反擊，指過往有不少順性別演員如謝勒力圖（Jared Leto）演過變性人，但在猛烈攻擊下，她最後「跪低」宣布辭演。
「政治正確」風波不止發生在性別上，還有殘障議題。男星Bryan Cranston於《閃亮人生》（The Upside）飾演輪椅人士，被批評沒有殘疾卻扮有殘疾，但他堅持決定正確，理由是「我係一個演員」。