鄭融 梁諾妍上山下海
歌手鄭融及模特兒梁諾妍在節目內挑戰上山下海，鄭融在馬來西亞大玩刺激活動，自爆每隔1、2天便要簽生死狀：「次次見到張form就問導演：『又簽？即係好危險？』（有冇試過唔想簽？）有一個，就係同鯊魚潛水！我喺香港嗰時係話唔參與，但成隊crew玩得好開心，我又心軟，考慮咗一晚之後都係簽。（驚唔驚？）梗係驚啦！同埋真係好近，同鯊魚大約1米距離，好彩冇穿冇爛返嚟，真係一個難忘嘅trip。」
而Inez負責介紹香港好去處，更大玩飛索、跳崖、爬山，她笑說：「我唔識游水，所以都覺得自己真係唔怕死，因為有救生衣，跳崖嗰度大約3、4層樓高。」她亦謂飛索下面有很多尖石：「如果有咩事真係bye bye，我去到崖邊用咗幾十分鐘先肯踏出嗰一步，係要鼓起勇氣，踏出去之前都有flashback有咩未做。（諗起男友洪永城？）有嘅，心照啦，哈哈。（玩之前有冇同佢講？）佢冇預我玩到咁刺激。」
