太極樂隊相隔5年再合體重拍經典歌《留住我吧》MV，主音雷有輝（圖右二）透露將於12月舉行樂隊演唱會，8月的個人騷亦是由此而來：「佢哋想我打頭陣，同Fans熱吓身！」並指成員鄧建明（Joey）呼籲歌迷留錢買年底演出門票是倒他米：「所以個唱拉埋佢落水做音樂總監，費事佢亂講嘢！」
Joey覺得太極開騷是圓夢之作，望屆時飲住酒享受音樂：「戶外騷睇住個日落，飲番兩杯聽我哋唱歌，氣氛一定正！我哋四面台做過，紅館又做過，今次終於可以成萬人陪睇日落，希望唔會唱唱吓飲醉啦！」
