余香凝酒店「蜜」會玉帛相見

藝人余香凝昨天度過27歲生日,冇拖拍的她選擇與兩位閨蜜陳詩欣及鄧穎堯接受酒店安排入住慶生,兩日一夜「旅程」令壽星女相當感動:「平日佢哋(兩位閨密)留晒啲嘢畀我做,今次佢哋買蛋糕、鮮花、布置之餘,仲一個拎腳架、一個跑嚟跑去校啱時間影合照,搞到我好似公主咁!佢哋好自豪話驚對得我太好,第時我嘅另一半好難做喎!」

3位靚女更趁機騷Quali,換上泳衣到泳池「參觀」:「本來帶咗幾套游衣,諗住喺泳池玩耐啲嘅,但醒唔起假日好多人,所以我哋留咗冇耐就返房傾心事。(身材邊個最好?)梗係鄧穎堯啦,生咗都Keep到咁瘦。」她們更玉帛相見歎Spa,完全不覺尷尬:「因為已經唔係第一次。好記得我哋之前坐過旅行車,個洗手間超細仲逼埋一齊沖涼添!好享受同佢哋一齊嘅愉快時光,尤其鄧穎堯『拋夫棄B』都陪我,去邊度搵吖?」