顧定軒紮鐵做廚 好搵過演員
新演員顧定軒由電影轉戰「公仔箱」，於無綫劇《那些我愛過的人》中飾演朱嘉炳有亮眼表現。他自爆三年前經歷零幕前工作，靠炒散維持生計︰「試過兩個月紮鐵，拍戲都冇咁高收入，之後仲做過半年廚房，最後決定唔做，驚自己再做落去就一世，體驗過更確信自己想做演員。」
講到劇集中他跟蘇皓兒、李任燊搞三角關係，他笑言等於做「兵」，更是首次有較重的感情戲份，續謂自覺跟「朱炳」相似，都是勇於追夢的少年︰「為呢個角色專登用兩個星期上網睇片自學彈結他，今次減齡演出對我嚟講挑戰好大，我可以為藝術犧牲，只要導演夠膽用，我就夠膽做！」