陳詩欣冇得飛　掃貨解「鄉愁」

陳詩欣憑着節目《3日2夜》上位，變成「是非精」主持《學是學非》後同樣受歡迎；近期則為娛樂新聞台擔任主持，又要拍攝《姊妹淘》、《行山少女》，令她大感壓力。疫情前陳詩欣一年飛三轉日本鬆一鬆，在疫情下未能起行，只好到日式連鎖店逛逛一解「鄉愁」，聊勝於無。

心靈滿載而歸

日前陳詩欣與閨蜜陳約臨、方詩揚在尖沙咀一間日本大型連鎖雜貨店掃貨，三個女人一個墟，在化妝品區她們相當雀躍，由面膜、「大眼仔」、洗頭水、護膚品，到防曬用品也「開會」研究一番。掃了一批化妝品後，三人轉到美食區，繼續望梅止渴當正自己身在日本，魚生、壽司、海膽、甜品琳琅滿目，齋睇已經夠開心。到零食區三人即大展身手，薯片、糖果、蛋糕等零食狂掃入購物車，瞬間已堆滿購物車，連心靈也滿載而歸。

三個少女盡情發揮購物狂本色，火速塞滿了籃子。

在香港已買這麼多，要是到了日本的話，更加不可想像。

陳詩欣接受電話訪問時，坦言平日少放假，每逢出糧都會買東西氹自己開心，有時齋睇或試試身已感滿足，她說：「工作有壓力(口架)，自己要求高，做完嘢都會檢討吓，又會睇吓網民comment，都push得自己幾盡，所以要搵方法減壓 ，唔係會黐線(口架)，哈哈！」今季《學是學非》剛播完，節目令多位主持嶄露頭角，亦不斷加入新人，問到可有壓力？她說：「有(口架)，要做好自己先，初頭做都緊張，有睇番晒咁多輯，最緊要唔好模仿人，突出自己嘅性格，搵到個定位。」

陳約臨盼今年起行

陳約臨試過一年飛六七次日本，她笑說：「鍾意睇電器，女仔整頭髮、碌面機，同埋想去參加馬拉松，希望今年可以再去日本。」方詩揚則指未試過三人一齊旅行，相信情況會好恐怖，要準備六位數「血拼」。