靠父幹上車當然幸運，但能在30歲前靠自己出盡慳功而成功置業，更是叻仔叻女。
無綫花旦高海寧曾經歷住天台屋及800元人情都付不起的日子，深知買樓是王道，平時慳爆，減少應酬只吃住家飯、不旅行及只買平價衫等，入行7年即28歲時成功上車，以525萬元買油塘2房單位。慳儉成性，自爆今年冇買過新衫外，為慳口罩常宅在家中。
周柏豪入行前，於2003年即18歲時耗盡數萬元積蓄作為首期，買60多萬元的居屋，當時由於他月入只有4位數，為供樓狂接工作包括做兼職模特兒、救生員等，即使抱恙也照開工，忙到連花錢的時間都冇。