「短髮公主」出道幾年，歌影視三方面都有涉獵，不過成績一般，唔算好多人識。雖然佢短頭髮成個男仔頭咁，平時又嘻嘻哈哈，好似好爽朗，實質私下十足港女，易嬲、小器、難服侍！有次佢着住對幾吋高嘅斗零踭出席活動，行到論論盡盡，有人講笑話佢好似唔識行路咁，佢塊面即刻黑晒，點知同記者做訪問就一秒變臉，即刻笑番，好戲到呢！
之後又有一次，佢做訪問時擺低部電話喺一邊，助手就幫佢攞番，做完訪問之後，佢發覺唔見咗部電話，塊面又立即變黑，燶晒口面問助手電話喺邊，助手快快手畀番部電話佢，點知佢仲反白眼，公主病到極點！
