郭子豪感激鄧卓殷谷底救命

去年捲入酒駕及失場事件的藝人郭子豪,事業一度陷低潮,加上抑鬱症,每日徘徊生死邊緣,幸獲港姐鄧卓殷陪他走出低谷。他首度向女友發表愛的宣言,並坦言正朝結婚方向進發!

現年28歲的郭子豪自小好勝心強,中學時是首名華人代表學校出戰欖球賽,兩年前參與健身比賽又獲得冠軍,一切來得太易,令他高傲兼不可一世,結果接二連三的負面事件,令其人生跌落谷底!

子豪回憶近幾年的行為忍不住爆粗:「我形容自己係CLS!只怪自己唔生性,試過失聯錯過好多工作,No Show都試過,好過分!(酒駕仲講大話?)心亂,驚乜都冇,所以講錯嘢。(社會服務令做咗咩?)喺教育機構做清潔,每日午飯都匿埋喊,好在身邊有個人陪住,好感恩有佢出現。」子豪口中的她便是女友鄧卓殷!

想結婚「佢個人好正」

當時他全面停工零收入,每日胡思亂想,結果抑鬱症找上門,曾想過了結生命,幸鄧卓殷突然闖進其生命,從旁鼓勵及開解,令他重拾信心之餘,二人愛苗亦萌芽。子豪首度開腔承認戀情:「好多謝佢,有佢陪伴啟發好多嘢,佢係我生命入面出現最善良嘅人,我就係佢生命入面出現過最壞嘅人,喺我揸太空船去火星時,佢會拉番我落地球,佢個人真係好正,係我見過最好嘅人,我會盡能力做好自己。(傳鄧卓殷介入你同舊愛嘅感情?)係上一段感情結束咗先。」他坦言每次拍拖都認定對方是「唯一」,問下一步是否結婚?他甜笑說:「希望,努力啲啦!(見咗家長?)見過吓,父母見到個仔咁樣轉變都開心嘅。」