廖子妤晚晚「拍醒」咪咪
藝人廖子妤、Yanny、吳肇軒等昨日在九龍灣E-MAX為ViuTV劇集《地產仔》宣傳。廖子妤表示為劇集束胸拍攝，笑說：「呢啲咪禾稈冚珍珠，就算細都有得束。束胸初時有啲抖唔到氣，但係慣咗就好有安全感。（束胸影響咪咪？）我有好特別咁照顧佢，返到屋企會搽潤膚霜，每晚拍佢一百幾十下，拍番醒佢，仲有睇網上教按摩胸部嘅片去按摩。」
講到《地產仔》與無綫的《殺手》對撼？她說：「等觀眾有得選擇，百花齊放。」Yanny則自爆瘀事，指跑步數分鐘已扭傷腳，並對《地》劇有信心，覺得題材貼地，有喜劇亦有感動位。吳肇軒認為兩個平台各有捧場客，最希望能夠吸引觀眾回流睇電視，而胡子彤對於劇中有史上最多爆屎渠的劇情，笑謂可以挑戰電視尺度極限。