連詩雅搵錢緊要過拍拖
歌手連詩雅（Shiga）昨日到電台宣傳無綫熱播劇《那些我愛過的人》及主題曲《小謊言》。講到緋聞男友陳家樂有捧場追劇，更大力讚好，Shiga醒目地笑說：「佢係讚套劇，唔係讚我。（冇讚你演技嬲唔嬲？）睇網民留言多啲，介意觀眾嘅意見。（佢都係觀眾。）大眾觀眾嘅意見，我先有動力！（佢讚劇都開心？）身邊有好多人支持都開心。」
Shiga表示今次拍劇賺到姊妹情，本月29日生日的她表示獲同劇的黃翠如及陳自瑤提早慶祝，翠如送上無麩質、無糖的蛋糕，健康又美味，氹得她超開心。問到陳家樂可有主動約會？她只笑笑口表示「唔答」，並扯開話題指當日要開工拍廣告：「生日搵錢好開心。（搵錢重要過陳家樂？）搵錢重要過好多嘢，疫情之下有出冇入。」