糖妹堅持7月搞音樂會

歌手糖妹（黃山怡）昨日到電台宣傳新歌《種子》，透露這是慈善歌曲，希望大家在疫情下仍需關注弱勢團體。問到工作可有受疫情影響？她坦言計劃7月底舉行糖兄妹十周年音樂會：「計劃喺中環live house舉行，會直播畀其他地方嘅fans睇。（擔心搞唔搞得成？）擔心呀，但plan咗先，唔得就直播，總之一定會舉行，只係方式唔同。」問到可是自從新年後就工作停頓？她說：「新年後我去咗拍劇，都有上節目，停頓感冇咁強，不過出碟要延遲。」至於收入是否大受影響？她笑說：「都去唔到台灣錄音，反而幫公司慳錢添！不過都托賴，多謝廣告商支持。」她表示現時把握時間學習技能，增值自己，如潛水、以色列自衞術等。