羅家英組「兄弟班」演粵劇助同業

於新冠肺炎疫情之下，粵劇界也大受影響，粵劇老倌羅家英、龍貫天與陳鴻進當發起人組織「兄弟班」，邀得一班粵劇演員南鳳、陳咏儀、鄭詠梅、溫玉瑜等，於下月4、5日在新光戲院演出《福星高照喜迎春》及《枇杷山上英雄血》兩套劇目為班底謀生計，昨日眾人聯同玄學大師李居明出席記者會，家英指疫情至今7個月，粵劇界零演出零收入，決定為業界出分力：「我哋做帶頭人，啲花旦老倌唔收人工，收一千蚊衣箱費，當賣晒飛畀晒錢幕後，剩嘅錢再分畀佢哋，估計有5、60人受惠，我哋預支8萬到10萬，冇向政府拎資助，好多謝李居明無條件借出場地。」