唐麗球落D驚魂 被黑幫大佬「點相」

藝人唐麗球前晚應老友倪詩蓓邀請，為其主持的電台節目任嘉賓。她憶述廿歲出頭時到台灣工作，期間去Disco消遣，遇上社團大佬，更發生「搶女人」事件，而被「搶」的正是唐麗球！她說：「好恐怖！（搶人拍戲？）係搶女人呀！搶我呀！（好驚？）係呀！當時得廿幾歲，個大佬話要帶我出去消夜，我話唔去，好驚！後來經理人幫手擺平，搵人送我走，聽聞嗰間Disco好出名，話着咗燈之後，會見到地上有好多槍！（你着得好性感？）梗係唔係，當年好細個。（仲敢去夜店？）一齊去就敢，真係好深刻！」