陳豪擬英國置業 仔女每人一層

藝人陳豪昨午出席英國樓盤促銷活動，坦言有興趣在當地置業，三個仔女一人一層，又大讚當地求學環境佳：「好多一流學府同好好嘅寄宿學校喺嗰邊。（送晒仔女過去？）未知，佢哋大咗可能有自己打算。（幾時送佢哋出國？）等佢哋學好啲中文先，依家我教佢哋寫字，仲陪佢哋上國語堂，名副其實嘅陪太子讀書！」談到房地產投資，陳豪承認「有幾舊磚頭喺手」，他說：「磚頭對藝人嚟講比較穩陣，做生意唔熟嘅話驚蝕。（冇玩股票？）有，依家咪大閘蟹囉！（澳洲有樓？）有，英國就未有。」