孖仔承衣鉢 湯鎮業片場曲線表父愛

藝人湯鎮業因身在內地拍戲，一對孖仔湯君慈（Bruce）與湯君耀（Chris）表示今年未能一家人慶祝父親節，並說：「可能會同爸爸視像傾偈，以往會同埋家姐一齊食飯，通常家姐會送禮物。」孖仔指爸爸比較內斂，不擅將愛宣之於口，大孖Bruce舉例：「有次同爸爸喺北京拍戲，喺現場好少傾偈，但知佢不斷問身邊人我表現點，又叫其他人提我要小心啲。佢知我帶唔夠衫，又會上網訂衫畀我。」細孖Chris表示小時候因爸爸常在內地工作，到後來他們在美國升讀大學，父子相處時間不多：「爸爸會盡量爭取機會同我哋相處，有時我去內地，佢會叫我一齊去品牌活動。」現時孖仔隨父步伐入行，坦言因而對父親有更多了解：「知佢工作係好辛苦，以前以為拍戲好簡單，原來唔係，爸爸好專業！」